Nochtadh Leasanna ag Comhaltaí an Bhoird
2.1 Nochtadh Leasanna ag Comhaltaí an Bhoird
2.1.1 Ar a gceapadh chuig an mBord déanfaidh gach comhalta sonraí a f(h)ostaíochta agus gach leas gnó eile lena n-áirítear scaireanna, caidrimh ghairmiúla srl. a thabhairt do rúnaí an chomhlachta, a bhféadfadh coinbhleacht leasa a bheith i gceist leo nó a bhféadfadh tionchar ábhartha a bheith acu ar an gcomhalta maidir lena c(h)uid feidhmeanna mar chomhalta den Bhord a chomhlíonadh. Ba cheart go mbeadh aon leasanna de chuid teaghlach ball a bhféadfaí a bheith ag súil le réasún go mbeadh sé/sí feasach orthu nó leasanna duine nó comhlachta a bhfuil baint acu leis an gcomhalta a bhféadfadh coinbhleacht leasa a bheith i gceist leo nó a bhféadfadh tionchar ábhartha a bheith acu ar an gcomhalta i bhfeidhmiú a fheidhmeanna nó a feidhmeanna a nochtadh freisin. Chun na críche seo ba cheart go n-áireodh daoine agus comhlachtaí a bhfuil baint acu le comhalta:
Chun na críche seo ba cheart go n-áireofaí i measc daoine agus comhlachtaí bainteach le comhalta:
a) céile, tuismitheoir, deartháir, deirfiúr, leanbh nó leasleanbh; b ) comhlacht corpraithe a bhfuil baint ag an gcomhalta leis; c ) duine atá ag gníomhú i gcáil iontaobhaí ar aon iontaobhas, a bhfuil an comhalta nó na daoine ag (a) thuas nó an comhlacht corpraithe ag (b) thuas; agus d ) duine a bheidh ag gníomhú mar chomhpháirtí don chomhalta nó d'aon duine nó comhlacht a bhfuil baint aige, de bhua (a) - (c) thuas, leis an gcomhalta i measc thairbhithe an iontaobhais.
2.1.2 Ba cheart do gach comhalta sonraí faoi leasanna gnó a thagann leis an méid thuas a dtagann sé/sí ar an eolas fúthu le linn a c(h)uid stiúrthóireachta a thabhairt do Rúnaí an Chomhlachta.
2.1.3 Sa chás go bhfuil sé ábhartha maidir le haon cheist a thagann chun cinn, ba chóir go gceanglófaí ar an gcomhalta sonraí fostaíochta agus leasanna ar bith eile gnó gach duine a bhfuil baint aige leis/léi a chur in iúl do Rúnaí an Chomhlachta, mar atá sainmhínithe ag (I) thuas.
2.1.4 Féadfaidh an Bord feidhmiú go stuama maidir le nochtadh mionscairshealbháin ag comhaltaí. Mar threoirlíne ghinearálta, ba cheart scairsheilbh ar luach níos mó ná €15,000 nó níos mó ná 5 faoin gcéad de chaipiteal eisithe cuideachta a nochtadh.
2.1.5 Má bhíonn amhras ar chomhalta i dtaobh cheanglais an Chóid seo go nochtfaí leas dá c(h)uid féin nó leas duine ghaolmhair, ba cheart don chomhalta sin dul i gcomhairle leis an gCathaoirleach.
2.1.6 Coinneoidh Rúnaí an Chomhlachta sonraí na leasanna thuas i gclár speisialta rúnda agus ba chóir iad a nuashonrú ar bhonn bliantúil. Ba cheart athruithe idir an dá linn a chur in iúl do Rúnaí an Chomhlachta chomh luath agus is féidir. Is ag an gCathaoirleach, ag Rúnaí an Chomhlachta agus ag an bPríomhfheidhmeannach amháin a bheidh rochtain acu ar an gclár.
2.1.7 Níor cheart doiciméid an Bhoird nó an Chomhlachta ar aon chás a bhaineann le haon phlé maidir leis na leasanna thuas a chur ar fáil don chomhalta lena mbaineann agus ba cheart do chomhalta é/í féin a bheith as láthair nuair a bhíonn an Bord ag plé nó ag cinneadh ar nithe ar a leithéid d’ábhar.
2.1.8 I gcás go dtagann ceist chun cinn cibé an mbaineann nó nach mbaineann cás le leasanna chomhalta Boird nó duine nó comhlachta a bhfuil baint aige/aici leis an gcomhalta sin, ba chóir do Chathaoirleach an Bhoird an cheist a chinneadh.
2.1.9 Ba cheart go léireodh comhaltaí Boird reatha agus iarchomhaltaí Boird meas ar rúndacht na faisnéise íogaire a fhaightear agus iad ag gníomhú sa cháil sin. Áirítear leis seo faisnéis atá íogair ó thaobh na tráchtála de, faisnéis phearsanta, agus faisnéis a fhaigheann an tÚdarás faoi rún.
2.2 Coinbhleachtaí leasa a sheachaint mar Fhostaithe an Údaráis
2.2.1 Níor cheart d’fhostaithe an Údaráis baint a bheith acu le fostaíocht sheachtrach nó le leasanna gnó atá i gcoinbhleacht, nó a d’fhéadfadh a bheith i gcoinbhleacht le gnó an Údaráis, nó a chuirfeadh cosc orthu a gcuid dualgas a chomhlíonadh. Tá Beartas do Stiúrthóirí an Bhoird ar Choinbhleachtaí Leasa ag an mBord ina leagtar amach conas is ceart coinbhleachtaí leasa a láimhseáil.
2.2.2 Sa chás go n-ardaítear ceist cibé an bhfuil coinbhleacht leasa i gceist le cás d’fhostaí nó nach bhfuil, ba chóir an cheist a chur faoi bhráid a (h)oifigigh atá díreach os a chionn. I gcásanna den sórt sin nuair a éilítear é sin a dhéanamh, cinnfidh an Príomhfheidhmeannach an cheist agus is cinneadh críochnaitheach a bheidh ina chinneadh.
2.2.3 Ní mór d’fhostaithe an Údaráis a dhearbhú i scríbhinn do Rúnaí na Cuideachta láithreach – a choinneoidh taifead rúnda – aon leas pearsanta nó teaghlaigh nó coinbhleacht leasa a d’fhéadfadh cur isteach ar a neamhchlaontacht i gcomhlíonadh a ndualgas má tá a leithéid ann nó a luaithe a tharlaíonn sé.